Tasapik dilihia


By Nedi Gampo
----------------------------------------
Maibo ratok gabau jalang
Jalan malepai dipaneh garang
Rumpuik masiak kubangan tuo
Iduang baraia lidah tajulua
Lutuik guyah mato tabudua


Coiko nasib denai nan malang
Lah abih dayo dirambang patang
Badan kini batambah nyanyua
Gigi habih jangek lah layua
Tatilantang sajo dirusuak dapua

Apo salah apo doso coiko bana parasaian
Sajak ketek badan Marano 
lah hampia mati lo li marano juo
Nasib kini lah sapantun Kabau tasapik dilihia 
Dilalukan badan lah gadang
Koq dielo tanduak tasakang
Ondeh angin baoklah tabang
Ambuanglah kadalam jurang
Sinan kusuik mangko salasai
Ndak talok hiduik manangguang sansai
Bia den tajun kadalam ngarai