Dendang Parintang lirik



Dek ulah minyak abih lampu den padam
Suluah didapua lah ilang pulo
Joa den janguak tapian mandi
Tasintak manangih ditangah malam
Badan baraso yo jo uda juo
Den paluak banta denai tangisi

Tanamlah sabiah sabiah tolong tugakan
Tuga pagaran sikayu jati
Jati nan tumbuah ditapi laman
Oi sadang arek kasiah uda tinggakan
Nan mabuak surang yo molah kami 
Dalam rasian denai tangihkan

Yo~~ lah ramuak jantuang jo hati
Hati indak elok lai..Lai den cubo ubeki
Ubek indak mancegakkan .. Sansai badan

Yo~Tarumuak yo cangguang diri
Diri seso dilukoi.. koq cegak bariang tak abih
Abih tenggang isak manari.. Sansai badan

Oi malang sajak tuai uda patahkan
Padi di ladang abih dek balam
Mangkonyo pipik lah tabang tinggi
Oi malang sajak denai uda lengahkan
Nasi dimakan lah aso sakam
Aia diminum yo raso duri

Yo~ lah ramuak jantuang jo hati
Hati indak elok lai..Lai den cubo ubeki
Ubek indak mancegakkan .. Sansai badan

Yo~Tarumuak yo cangguang diri
Diri seso dilukoi.. koq cegak bariang tak abih
Abih tenggang isak manari.. Sansai badan