Bancano Khatulistiwa - lirik





Ratu Sikumbang
Dangalah rang Minang
Danga jo simak tolong juo ranuangkan
Apo nan lah tajadi musibah siliah baganti
Manangih langik jo bumi bancano makin manjadi

Di pilau Sumatra nan satantang jo lintang khatulistiwa
Tasabuik tanah sarugo tanah pusako bundo
Disinan bancano tibo basabab hilangnyo rimbo

Kok rantiang lah mati tapanggang
Kok batanglah habih di tabang
Kok tabianglah samakin curam
Kok juranglah samakin dalam

Padi lupo jo rankiang
lumuik tumbuah di janjang
Tabangkalai sawah jo ladang
Maratok kabau di kandang

Batang aia lupo jo hulunyo
Lautan lupo jo muaro
Kok bumi lah lupo jo rimbo
Erosi dimano mano

Batang aia lupo jo hulunyo
Lautan lupo jo muaro
Kok bumi lah lupo jo rimbo
Erosi dimano mano